Бұл туралы астаналық ҚІІД бастығы Кашкар Джунушалиев мәлімдеді.Оның сөзінше, бір жылда тыйым салынған «Хизб-ут Тахрир» экстремистік ұйымының идеяларын таратуға қатысты 50 оқиға тіркелген, Оның 11-і бойынша қылмыстық іс қозғалыпты. Радикалды топтардың 90-нан астам мүшесі есепке алынған, 6 экстремистік ұйым анықталған.
Соңғы мәлімет бойынша, Сириядағы әскери қақтығыстарға 500-ден астам қырғызстандық қатысып жүр. Олардың дені Жалал-Абад және Ош облыстарының тұрғыны. Күні бүгінге дейін Сирия жерінде шамамен 30 шақты қырғыз азаматы қаза тапқан.