Қырғызстанда қырғыздың ежелгі шаңғы үстінде садақ ату ойыны қайта жанданып жатыр. Ереже бойынша, спортшылар ұлттық киімде, сырғанай отырып, садақпен межеге дәл тигізу керек. Бағаланатыны: шапшаңдық пен дәлдік.
Қырғызстанда бүгінде 30 шақты садақшы спортшы бар. Олар бұрын-соңды шаңғы теппеген. Шаңғының қыр-сырын енді үйреніп жатыр. Алайда тарихшы Элери Битикчи шаңғы тебу қырғыздардың қанында бар, бұл жөнінде қытайдың көне жылнамасында жазылған деп есептейді.