Маалыматка ылайык, гендердик ажырым боюнча дүйнөлүк индексте 1-орунда Исландия, акыркы орунда Йемен турат. ЕАЭБге кирген өлкөлөрдүн ичинен 34-орунга чыккан Беларус алдыда, 47-орунда Казакстан, 76-орунда Орусия, ал эми Армения 105-орунда.
Гендердик ажырым индекси (The Global Gender Gap Index) – аял менен эркектин тең укуктуулук рейтингин аныктаган дүйнөлүк изилдөө. Алгачкы рейтинг 2006-жылы дүйнөлүк экономикалык форумда жарыяланган. Индекс аялдардын саясий, экономикалык, билим берүү жана саламаттыкты сактоо тармагындагы укуктарына таянып чыгарылат.
