Заң жобасы бойынша, кәсіпкерлерді әкімшілік жұмыстардан босату, азаматтардың экономикалық белсенділігін арттыру және бизнеспен айналысатындардыың санын көбейту мақсатында 2016 жылы сәуірдің 1-нен желтоқсанның 31-не дейін салықтық тексеруге мораторий жариялау көзделген.
Бастамашыл топ заң жобасының қазіргі дағдарыс кезінде аса қажет екенін және отандық бизнес өкілдеріне үлкен көмек болатынын айтуда. Заң жобасында заңсыз тексерулердің жолын кесетін тетіктер қарастырылған.
Алайда заң жобасы қылмыстық істер аясында және салықтан жалтару туралы мәліметтер пайда болғанда, құзырлы органдардың талабымен салықтық тексеру жүргізу мүмкіндігін қалдырып отыр.
ҚСДП фракциясының депутаттары әзірлеген заң жобасы парламентте қаңтардың 27-де тіркелген. Енді ол комитеттер мен пленарлық жиналыстарда талқыдан өтеді.