БҰҰ Бас хатшысы Пан Ги Мунның мәлімдемесінде әуе соққыдан 5 аурухана мен 2 мектеп, сонымен бірге "Шекарасыз дәрігерлер" халықаралық ұйымының қолдауымен жұмыс істеп жатқан аурухана да зардап шеккені айтылған. Пан Ги Мун әуе шабуылдарын "халықаралық заңдарды өрескел бұзып отыр" деп атады.
Әуе шабуылдарды сонымен бірге Еуропалық одақ пен АҚШ-та сөкті. АҚШ мемлекеттік департаментінің мәлімдемесінде бұл соққылар Ресей мен Башар Асад режиімінің таяуда күшіне енетін соғысты тоқтату жөніндегі келісімнің орындалуына күмән келтіретіндігі айтылған.
Сириялық оппозиция өкілдері әуе соққыны не ресейлік ұшақ не үкімет өкілдері жасады деген сенімде. Мәскеудегі Сирия елшісі Риад Хаддад әуе соққының жауапкершілігін АҚШ-қа және оның одақтастарына артты.
Ал Дамаскіге Сирия билігі мен оппозиция арасында келіссөзге дайындық жүргізу үшін БҰҰ-ның Сирия жөніндегі арнайы елшісі Стаффан де Мистура келді. Келіссөз 25 ақпанда Женева қаласында өтеді деп күтіледі.