Наразылық танытқандардың қолында "Біз әділдікті талап етеміз" деген жазуы бар үлкен, ұзын плакат болды. Плакатта биліктің атына коррупциямен батыл түрде күресуді, Серік Ахметовті босатып, бірнеше әкімді "түрмеге отырғызуды" талап еткен жазулар болды.
Акцияға шыққандар Астананың орталығындағы көшелердің бірін аз уақытқа ғана жауып, көлік қозғалысын бөгеді. Біраз уақыттан соң акцияға шыққандарды полиция ұстап әкеткен.
Қалалық ішкі істер департаменті оқиғаға қатысты бірер сағатта түсінік беруге уәде етті.
Серік Ахметов желтоқсан айында "заңсыз кәсіпкерлікпен айналысты" және "өкілетін асыра қолданды" деп айыпталып, 10 жылға сотталған және оған жазасын өтегеннен кейін де бес жыл бойында мемлекеттік қызметпен айналысуға тыйым салған.
