Аксари ҳабсшудагон ҷавононе ҳастанд, ки пештар дар ИМА ва кишварҳои дигар дар муҳоҷири меҳнатӣ буданд. Ҳамаи ин ҷавонон дар робита доштан бо ҷараёни динии "Салафия" айбор мешаванд.
Хешовандони боздоштшудаҳо мегӯянд, ин ҷавонон дар ибтидо 15 рӯз ҳабс шуда буданд, вале баъдтар нисбати эшон парвандаи ҷиноятӣ боз шудааст.
Бархеи онҳо 3 сол пеш аз хориҷ ба Ӯзбекистон баргаштаанд ва бархеашон чанд муддат пештар.
Дар Ӯзбекистон боздошти сафаркардаҳои хориҷ моҳи ноябри соли 2015 шуруъ шуд. Он замон расонаҳо навишта буданд, ки аз маҳаллаҳои шаҳри Тошканд ва вилояти Тошканд бештар аз 200 нафар боздошт шудааст.
Нозирон мегӯянд, ҳабси 14 шаҳрванд низ идомаи боздоштҳои оммавӣ дар Ӯзбекистон аст. Фарқи ягона ин аст, ки пештар боздоштшудаҳоро дар робита боштан бо Давлати исломӣ айбдор мекарданд, ҳоло дар "салафигароӣ" муттаҳам мекунанд.
Нозирон мегӯянд, аз эҳтимол дур нест, ки бархе аз боздоштшудаҳои соли гузашта зидди дигарон шоҳид шуда бошанд.