Ссылки доступа

Асад 13 апрелро рӯзи интихоботи порлумонӣ эълон кард


Раиси ҷумҳури Сурия Башор Асад рӯзи душанбе таърихи баргузории интихоботи навбатии порлумониро эълон кард.

Хабаргузориҳои ғарбӣ ба нақл аз расонаҳои Сурия навиштанд, ки интихобот бояд 13 апрели соли ҷорӣ баргузор шавад.

Дар фармоне, ки Раиси ҷумҳури Сурия Башор Асад имзо кардааст, теъдоди курсиҳои ваколат аз ҳар вилояти Сурия муайян шудааст.

Замони баргузории интихоботи порлумонӣ дар Сурия баъд аз он эълон шуд, ки Вашингтон ва Москва нақшаи оташбас дар ин кишварро муайян карданд ва он бояд аз 27 феврал шурӯъ шавад.

Охирин интихоботи порлумонии Сурия соли 2012 баргузор шуда буд. Тибқи қонунгузорӣ, интихоботи порлумонӣ дар Сурия дар чаҳор сол як бор баргузор мешавад.

XS
SM
MD
LG