“Супер шейшемби” аталган шайлоодо 1-мартта республикачыл жана демократтар партиялары он эки штатта добуш берүү уюштурду. Анын натыйжасында Трамп 6, Клинтон 7 штатта алдыга озуп чыкты.
Республикачылардын башка талапкери Тед Круз кичи мекени Техас менен Оклахомада жеңишке жетти. Сенатор Марко Рубио Миннесот штатында алдыга озду.
Клинтондун башкы атаандашы, демократ сенатор Берни Сандерс Вермонт, Колорадо, Миннесот жана Оклахомада көп добуш алды.
Бул праймериз добуш берүү быйыл күзүндө өтө турган президенттик шайлоого аттанган талапкерлерди аныктоодо чоң мааниге ээ.
