Экономикалық даму министрлігінің әлеуметтік-экономикалық дамуға қатысты жаңа болжамы әлеуметтік шығындарды үнемдеу саясатының жалғасатынын аңғартады. Бұл туралы министрлік құжаттарына сүйене отырып «Ведомости» басылымы жариялады.
Бұл болжам алдағы төрт жылда мұнай баррелінің бағасы 50 доллардан төмен болады, ал Ресейге қарсы санкциялар мен жауап ретіндегі шектеу шаралары 2020 жылға дейін сақталады деген есептің негізінде жасалған.
Экономикалық даму министрлігі зейнетақыны 4 пайызға индексациялауды (инфляцияның көзделген деңгейі)жылына бір рет жасауды көздейді. Басылым іс жүзінде зейнетақы көлемі 10 пайызға қысқарады деп санайды.