Мудири кулли АБЭҲ Юкия Амано зикр кард, дар Қазоқистон аллакай қонуни “Истифодаи энергияи ҳастаӣ” қабул шуда, бознигарии муқаррарот ва асосҳои қонунӣ дар ҳоли анҷомёбист.
“Иҷрокунанда ороиши бинои наверо анҷом медиҳад, ки дар он Бонки урани камғанишуда ҷойгир мешавад. Дар Қазоқистон умедворанд, ки сохтмони ин бонк дар соли 2017 анҷом меёбад”, - гуфт Амано дар суханрониаш дар ҷаласаи ҳамасолаи Шӯрои мудирони ин ниҳод.
Созишномаи миёни ҳукумати Қазоқистон ва АБЭҲ дар бораи таъсиси Бонки урани камиқтидор дар “Қазоқистон дар моҳи августи соли гузашта имзо шуда буд. Раҳбари АБЭҲ таъкид кард, ки иҷрои ин қарордод идома дорад.
Интизор меравад дар бонке, ки дар ҳудуди корхонаи оҳангудозии Улбин дар шаҳри Уст-Каменогорск ҷойгир мешавад, урани камиқтидор барои ниёзҳои энергияи ҳастаӣ нигаҳдорӣ шавад.