ИИМдин башчысы Мелис Турганбаев бүгүн терроризмдин алдын алууга арналган форумда маалымдагандай, акыркы 10 жылда экстремизмге тиешеси бар аялдардын саны күндөн-күнгө өсүүдө. Алардын орто жашы 22-25ти түзөт.
Министрдин айтымында, Баткен облусунан Сирия менен Иракка 40тан ашуун адам чыгып кеткен, алардын 10у курман болуп, калган төртөө Кыргызстанга кайтып келишкен.
Бийликтин айтымында, Сирия жана Ирактагы согушка 500төн ашуун жаран кошулган. Алардын көбү- Ош, Баткен, Жалал-Абад облустарынан. Бейрасмий маалыматка ылайык, Сирияга кеткендердин саны миңге жакындашы мүмкүн.