АҚШ астанасындағы ядролық қауіпсіздік саммитіне қатысуға келген Назарбаев бұл сөздерін америкалық қоғам қайраткерлерімен кездескенде айтты. Назарбаевтың сөзінше,«Еуразиялық аймақ әлемдік саясаттағы шешуші геосаяси және геоэкономикалық фактор боп табылады».
— Бұл экономикалық одақ (ЕАЭО) тауарлар, қызмет және еңбек ресурстарының қозғалысына қатысты бірыңғай тәртіпке ие. Ешқандай КСРО-ны қайта қалпына келтіру туралы сөз жоқ. "Қырғи-қабақ соғысының" мұндай сарқыншақтарынан арылу керек. Олар болашаққа қарауға кедергі келтіреді. Еуразиялық экономикалық одақ – бұл небәрі экономикалық жоба ғана, — деді Назарбаев.
Ресей басшылық ететін ЕАЭО құрамына Қазақстаннан бөлек, Армения, Беларусь және Қырғызстан кіреді.