Пәкістан мен Бангладештен келген мигранттарды Түркияның батысындағы Дикили қаласына жіберіп жатыр.
Ресми Түркия 500 босқынды қабылдауға дайын екендіктерін мәлімдеген. ЕО мен Түркия арасындағы келісімге сәйкес, Анкара Еуропадағы барлық босқындарды, Грекияға заңсыз келген Сирия мигранттарымен қоса өз еліне кіргізеді. Ал ЕО жауап ретінде, босқындарды ұстап тұруға үлкен қаражат бөледі әрі Түркияның ЕО-ға мүше болып кіру талаптарын жеңілдетеді.
Еуроодақ пен Түркия арасындағы келісімді адам құқықтарын қорғау жөніндегі ұйымдар сынға алып келеді. Құқық қорғаушылар босқындарды қайтару операциясы тиянақты дайындалмаған деп қауіптенеді.