Тавре расонаҳо менависанд, Вадим Тумаков дар нерӯҳои махсуси "Витязь" адои хизмат кардааст. Вале маълум нест, ки вай расман дар қайди нерӯҳои Русия буд ё дар хидмати қарордодӣ.
Вазорати мудофиаи Русия расман хабар медиҳад, ки дар давоми амалиёти ҷангӣ дар Сурия 6 низомиаш кушта шудааст. Марги Тумаковро вазорат тасдиқ накардааст. Пештар аз ин дар бораи марги як сарбози дигари нерӯҳои вижаи Русия хабар расида буд.