Яке аз ширкаткунандаҳои ин гирдиҳамоӣ, раҳбари хазинаи ҷамъиятии "Қилим шами" Азиза Абдирасулова мегӯяд, ки дар ҷаласаи ин кумита ин масъала дар ҳоле баррасӣ мешавад, ки теъдоди зарурии вакилон дар он ҳузур надоранд.
Ҳомиёни ҳуқуқи инсон ба ин назаранд, ки тарҳи ин қонун бояд баргардонида шавад, зеро мухолифи меъёрҳои демократӣ ва муқаррароти танзими фаъолияти созмонҳои ғайридавлатӣ ва озодиҳои шаҳрвандист.
Ёдовар мешавем, ки баррасии дусолаи ин ислоҳот дар қонунгузорӣ мояи нигаронии бахши ғайридавлатии кишвар шудааст. Тибқи тарҳи ин қонун, созмоне ҷосуси хориҷӣ дониста мешавад, ки фаъолияти он ба расонидани таъсир ба тасмимҳои ниҳодҳои давлатӣ ба хотири тағйири сиёсаташ равона шуда бошад. Гузашта аз ин, муҳим аст, ки фаъолияти ин созмонҳо аз кадом манбаъ сармоягузорӣ мешавад.
Аммо муаллифони ин тарҳ иддао доранд, ки қонуни нав ба фаъолияти рӯшан ва бози созмонҳои ғайридавлатӣ сабаб мешавад.