"Бұл кәдімге бизнеске қайта оралу емес, бізге диалог керек", – дейді НАТО баспасөз хатшысы.
НАТО Мәскеудің Қырымды аннексиялауына қарсылық ретінде 2014 жылдың сәуірінен бастап Ресеймен барлық қарым-қатынасты үзген.
Дегенменен Ресей мен оның суық соғыс кезінен бергі қарсыластарын біріктіретін "Ресей– НАТО" Кеңесі ешқашан ресми тоқтаған емес. Соңғы кездесу Ресей Қырымды өзіне қосып алғаннан кейін, 2014 жылдың маусым айында орын алды. Бірақ қарым-қатынас күрт нашарлады. Екі тарап та тек Ресей – НАТО Кеңесіндегі Брюссельдегі елшілер деңгейінде ғана келіссөз жүргізді.
Батыс пен Ресей арасында Украинаға қатысты келіспеушілік сақталғанымен, кездесу дипломатиялық қатынасты жақсартуға дайын екендіктерін білдіреді деп хабарлайды Рейтер агенттігі.
НАТО Шығыс Еуропада әскер санын өсірді. Дегенмен альянс Мәскеуден әскери салада ашықтықтың болуын сұрап, келіссөз жүргізбекші.