Президент Обама Сирия билігінің оппозицияға қарсы шабуылдауын тоқтату үшін қысым жасау керек деп атап өткен. Екі ел лидерлері Сириядағы тараптардың шабуылдауын тоқтатып, қоршаудағы аймақтарды гуманитарлық көмекпен қамтамасыз етуді міндеттеріне алған.
Президент Обама сонымен бірге президент Путиннен Украина шығысындағы соғыс әрекеттерін тоқтатып, Минск келісімінің орындалуы маңызды екенін де айтқан.
Кремль баспасөз қызметінің хабарлауынша, АҚШ президенті Барак Обама Сирия билігі тұтқынға алған америкалық Кевин Доусты босатуға ықпал жасағаны үшін Путинге алғысын жеткізген.
Ресейдің өтінішінен кейін Сирия билігі тарапынан босатылған америка азаматы Доус Мәскеудегі АҚШ елшілігіне жіберілген.