Ин нахустин акси зан дар пулҳои амрикоӣ дар беш аз сад соли ахир хоҳад шуд. Пеш аз вай танҳо акси хонуми собиқ Марта Вашингтон дар пули якдолларии барориши солҳои 1891-1896 ва акси маликаи ҳиндунажод Покахонтас дар пули 20-долларӣ дар солҳои 1865 ва 1869 ҷой дода шудаанд.
Дар 20-долларии нав муборизи зидди ғуломдорӣ Гарриет Табмен акси президенти ҳафтуми ИМА, ғуломдор Эндрю Ҷексонро иваз мекунад.
Соли гузашта вазорати молия эълон кард, ки мехоҳад дар пули 10-долларӣ акси бунёдгузори низоми молии ИМА Александр Ҳамилтонро иваз кунад. Ин иқдом дар ҷомеаи амрикоӣ бо бархурди манфӣ рӯбарӯ шуд.