"Орусия инфраструктураны калыбына келтирүү идеасын колдоду. Буга байланыштуу көптөгөн келишимдерге кол коюлду. Алардын арасында 600 жана 250 миллион еврого тете долбоорлор бар”,-деди сирия өкмөтүнүн башчысы.
Макулдашуунун негизинде электр түйүндөрүн жана электр станцияларын калыбына келтирүү, аларды отун менен камсыз кылуу иштери жүргүзүлөт. Станциялардын 60% пайыздан ашыгы учурда иштебей турат.
Сирия өкмөт башчысы кабарлагандай, электр энергиясын өндүрүү үчүн Сирияга күнүнө 35 миң тонна мунай керектелет. 2005-жылы Орусия Сириянын 10 миллиард доллар карызын кечкен. Анда Дамаск орус курал-жарактарын жана аскердик техникаларын сатып алууну убадалаган. 2011-жылы Сириядан жарандык согуш тутанган.
2015-жылдын сентябрь айында Орусия Сирияда аскердик операцияларын баштайт. РБК агенттигинин эсеби боюнча бул үчүн 38 миллиард рубль жумшалды. Орусия президенти Владимир Путин аскердик операция үчүн 33 миллиард рубль коротулганын ачыктаган.