Өзбекстанда совет дәуірі кезінде көсем болып саналғандардың жазған кітаптары бүгінде макулатураға айналған. Олардың орнында президент Ислам Каримовтың кітаптары төрде тұрады.
–Мектепте бізге Каримовтың кітаптары шыны сөрелерде тұру керектігін айтады. Ол кітаптарды біз сатып алып, мектепке әкелуіміз керек екен. Ол кітаптар мектепте қалады. Неге біз сатып алуымыз керек, неге мұнымен білім министрлігі айналыспайды, - дейді Сурхандария облысының мектеп оқушысы.
Құқық қорғаушылар болса, мектеп оқушыларын макулатура жинауға мәжбүрлеу заңға қарсы дейді. "Бұл оқушыларды сабақтарын оқуға кедергі келтіреді. Балаларды макулатура және темір жинауға мәжбүрлейді немесе олардың орнына ақша әкеліңдер дейді, мұның бәрі өзбек мемлекетінің жасап отырған бопсалаушылық әрекеті", – дейді тәшкенттік құқық қорғаушы Сурат Икрамов.
Микрофонсыз әңгімелесу кезінде Сурхандария облысы орта мектептерінің мұғалімдері тапсырманың бәрі жергілікті әкімдіктен келетінін айтады. Өз кезегінде әкімдіктегілер бұйрық министрлер кабинетінен келген дейді.