Нақшаи мазкур ба таври дақиқ бахш ва самтҳои ҳамкории низомӣ миёни нерӯҳои низомии ду кишварро то соли 2020 муайян мекунад. Нақша аз ислоҳот ва банақшагирии дифоӣ, омӯзиш ва омодагии нерӯҳо, кумаки машваратӣ ва ҳамкорӣ миёни навъҳои нерӯҳои низомӣ иборат аст.
Охири ҳафтаи гузашта Туркияву Украина ҳамчунин барои коркарди нақшаи амал дар Баҳри сиёҳ ба мувофиқа расиданд.
Муносибатҳои Туркияву Украина дар моҳҳои охир рӯ ба беҳбуд ниҳодааст. Баъди афзудани зиддиятҳо бо Русия Туркия ба таври мушаххас аз мавқеи умумии ҷомеаи ҷаҳонӣ дар мавриди ягонагии марзи Украина ва ғасби ғайриқонунии Қрим аз сӯи Русия пуштибонӣ мекунад.