Дар оғози ин конфронс раиси порлумони болоии Қазоқистон Қосим-Жомарт Токаев муроҷиатномаеро аз номи президенти ин кишвар Нурсултон Назарбоев қироат кард. Дар ҷаҳон тамоюли густариши фаъолиятҳои террористӣ мушоҳида мешавад ва гуруҳҳои тундгаро ба таври муътадил пуштибонии молӣ мебинанд, гуфтааст Токаев.
Раиси порлумони Қазоқистон гуфт, "муттаҳидии тамаддунҳои башарӣ" метавонад "посухи ягона" ба таҳдидҳои терроризм бошад. Ба гуфтаи Токаев, ҷамъият ва расонаҳо барои пешгирӣ аз барангехтани адовати динӣ бояд меъёрҳои ахлоқиеро коркард ва амалӣ созанд.