Олардың біреуі Тәшкентте өтетін ШЫҰ саммиті кезінде тек ғана үкіметтің арнайы рұқсат қағазымен ғана кіріп-шығуға болатынын айтты.
Алдын саммиттің қауіпсіздігін қамтамасыз ететін арнайы қызмет шараға бір апта қалғанда, "Өзбекстан астанасына азаматтарға кіру мен шығуға тыйым салу жөнінде" шешім қабылдағаны хабарланған.
"Барлық автокөліктер мен теміржол транспорттары үшін қала жабық болады. Бұл талап кейбір әуетасымалдау қызметіне де қатысты", – деп жазады өзбекстандық ақпарат құралдары.
ІІМ маусым айынан бері барлық құқық қорғау органдары казармалық жағдайға көшірілгенін хабарлады.
Ташкент мемлекеттік педагогикалық университеті оқытушысының сөзінше, астанада қатаң бақылау жүріп жатыр. "Әрбір басқан қадам сайын милиционерлер тұрады. Топ-тобымен жүреді. Әсіресе кешкі сағат 10-нан кейін жүрген азаматтарды ұстап әкетеді. Құжатсыз қалада жүру мүмкін емес", – дейді ол.