Моддаи амалкунандаи 24-и қонуни конститутсионӣ дақиқ накардааст, ки бо кадом шева ва аз сӯи кӣ узви ҳукумати кишвар аз кор озод карда мешавад. Барои бартараф кардани ин норасоӣ қонуне, ки ахиран қабул шуд, пешбинӣ мекунад, ки бо пешниҳоди асосноки сарвазир президент узви ҳукуматро аз вазифа сабукдӯш хоҳад кард.
Ҳамчунин дар қонуни нав омадааст, ки баъди қабули қарори дастаҷамъонаи ҳукумат, аъзои девони вазирон ҳақ надоранд, ки зидди ин қарор ба таври оммавӣ эътироз кунанд ва ё аз иҷрои он саркашӣ намоянд.