Аудан прокуроры Абдуджаббор Мирзоев баспасөз мәслихаты кезінде мектепте санитарлық-эпидемиологиялық ереженің бұзылуынан, салғыртық салдарынан балалардың улануына әкелгендіктен қылмыстық іс қозғалып отыр деді.
«Мектеп басшылығы мен санитарлық-эпидемиологиялық қызмет жергілікті биліктің рұқсатынсыз мектепте химиялық өңдеу жұмыстарын жүргізген. Бұл іске қатысты тергеу ісі жалғасып жатыр», - деп мәлімдеді Абдуджаббор Мирзоев.
Еске сала кетейік, 26 мамырда мектепте шыбын-шіркейлерді жою үшін дәріс залдарына химиялық ерітінді сепкен. Осыдан кейін дәріс кезінде 75 оқушы естерінен танып құлаған. Осындай жағдай мектепте бір аптаға созылған. Оқушылар тек медициналық көмектің арқасында өздеріне келген.