Неміс командасының бапкері таксиде келе жатқанда ірі жол апатына ұшырап, басынан жарақаттанды. 35 жастағы бапкерге нейрохирургиялық бөлімде операция жасады. Дәрігерлер қанша тырысқанымен, науқастың өмірін аман сақтап қала алмады. 15 тамызда ол көз жұмды.
Рио-де-Жанейро штатының денсаулық сақтау мекемелерінің хабарлауынша, Штефан Хенценің жүрегі, бауыры және екі бүйрегі басқа адамдарға сәтті көшірілді.
Хенце - Афиныдағы Олимпиада ойындарының екі адамдық каноэ бойынша күміс жүлдегері.