Ссылки доступа

Ўзбекистонда 1 сентябр кунги мушакбозлик футбол учрашуви сабабли бекор қилинган


Ўзбекистон мустақиллигининг 25 йиллиги муносабати билан Тошкентда ўтказилиши режалаштирилган мушакбозлик бошқа кунга қолдирилгани ҳакида шаҳар ҳокимлиги хабар қилади.

Ҳар йили 1 сентябр куни Тошкентда байрам тадбирларидан кейин Мустақиллиқ куни шарафига мушакбозлик ташкил этилган. Анъанага кўра, бу йилги мушакбозлик ҳам Алишер Навои номидаги Ўзбекистон Миллий боғида бугун бўлиб ўтиши керак эди.

Тошкент шаҳар ҳокимлиги матбуот хизматига кўра, одамларни халқ сайили ва футбол ўйнидан кейин уйга қайтиш вақтида йўлларда автомобил тирбандликни олдини олиш, ҳамда кенг жамоатчиликни талаби, айниқса кекса кишилар ва оқсоқоллар илтимосига биноан, мушаклар бошқа кунга қолдирилди.

Шунингдек, 35 мингдан ортиқ футбол мухлислари ташрифи кутилаётган Жахон чемпионатининг учинчи саралаш босқичида Ўзбекистон ва Сурия терма жамоаларинг учрашуви бугун 20:00 да пойтахтнинг "Бунёдкор" стадионида ўтади, деб эълон қилинади.

Мушакбозликни айнан қайси кунга қолдирилгани ҳақида хабар қилинмади.

XS
SM
MD
LG