Агентликка кўра¸ Ниғматулла Йўлдошев ўз номзодини қайтариб олгани ортидан Бош вазир муваққат президент этиб тайинланган. Йўлдошевнинг мамлакат асосий қонунида белгиланган ваколатни зиммасига олишдан қай сабабга кўра бош тортгани ҳозирча очиқланмади.
Айтилишича¸ бугунги йиғилишда 30 нафар депутат ва сенатор Шавкат Мирзиëевнинг муваққат президент этиб тайинланиши лозимлиги ҳақида чиқиш қилган ва Мирзиëев номзоди депутат ва сенаторлар томонидан бир овоздан маъқулланган.
1957 йилда туғилган Шавкат Мирзиëев Тошкент Ирригация ва мелиорация институтини тугатган. Ҳокимият пиллапояларидан кўтарилишни Тошкент шаҳар Мирзо Улуғбек туман ҳокими лавозимидан бошлаб¸ сўнгра Жиззах ва Самарқанд вилояти ҳокими бўлиб ишлаган. 2003 йилдан бери Ўзбекистон Бош вазири лавозимида ишлаб келган.
Тошкент мамлакатнинг биринчи президенти ўлимини эълон қилган 2 сентябрь куни Мирзиëев Каримовни дафн қилиш бўйича ташкил этилган давлат комиссияси раислигига тайинланди.