"Қазір үкімет отставкада. Біз бұл мәселелерді көп созбай шешеміз - сіздердің басшыларыңызды, жаңа министрлерді де тағайындаймыз. Үлкен өзгерістер болмайды деп ойлаймын, өйткені үкімет қиын кезеңде барлық тапсырмаларды орындап келеді", - деген Назарбаев мәлімдемесін "Қазақпарат" жариялады.
Премьер-министр міндетін вице-премьер Бақытжан Сағынтаев уақытша атқарып отыр. Бейсенбі, 8 тамызда, премьерліктен босаған Кәрім Мәсімов ұлттық қауіпсіздік комитетінің төрағасы болып тағайындалды. ҰҚК төрағасы қызметін осыған дейін атқарған Владимир Жұмақанов президент кеңесшісі қызметіне ауысты.
Назарбаевтың айтуынша, кадрлық ауыс-түйіс "қауіпсіздік деңгейін көтеру, күшейту қажеттілігінен туған". "Мәсімов қиын кезеңде жауапты секторды басқаруға тағайындалды", - деді Назарбаев.