Астахов истеъфога ўз ҳоҳиши бўйича чиқди. У ўз лавозимини таътилдан қайтиб келганидан кейин бўшатади.
Аввал ОАВ болалар омбудсменининг кутилаётган истеъфоси тўғрисида хабар қилишган эди. Нашриётнинг манбаларига кўра, Астаховдан кейин бу лавозимни Умумроссия халқ фронтининг Пенза ижроия қўмитаси бошлиғи ва президент грантларининг оператори Анна Кузнецова эгаллайди.
Астахов болалар ҳуқуқлари бўйича вакил лавозимини 2009 йилдан бери эгаллаб келган. У 2011 йилда қабул қилинган Россия болаларини чет элликлар томонидан асраб олишликни ман этиш тўғрисидаги қонуннинг идеологларидан бири сифатида машҳур бўлган. Июн охирида интернетда вакилнинг истеъфога чиқариш борасида гипетиция пайдо бўлган. Бу ҳолат Карелиянинг Сямозеро номли кўлдаги фожеада тирик қолган болалар билан суҳбат қилган вақтда Астахов: “Хўш, қанақа чўмилдинглар?”,- деб сўраганидан кейин юзага келди. Омбудсменнинг бу сўзлари жамиятда кескин резонанс келтириб чиқарди.