Ссылки доступа

Назарбаев Каримовду эскерүү үчүн Самаркандга барды


12-сентябрда Казакстандын президенти Нурсултан Назарбаев иш сапары менен Өзбекстанга барып, Ислам Каримовду эскерди. Бул тууралуу казак президентинин басма сөз кызматы билдирди.

Самаркандга болгон иш сапарынын алкагында Нурсултан Назарбаев Өзбекстандын биринчи президенти Ислам Каримовдун мүрзөсүнө гүл коюп, анын үй-бүлө мүчөлөрү менен жолукту.

Ошондой эле казак лидеринин Өзбекстан президентинин милдеттерин убактылуу аткарып жаткан Шавкат Мирзияев менен жолугушуусу да пландалган.

Нурсултан Назарбаев – Шавкат Мирзияев президенттин милдетин убактылуу аткаруучу болуп дайындалгандан кийин аны менен жолугушкан алгачкы чет өлкөлүк мамлекет башчысы болот.

6-сентябрда Самаркандга Орусия президенти Владимир Путин да барган. Өзбекстанды 1989-жылдан бери башкарып келген Ислам Каримов дүйнө салгандан кийин Шавкат Мирзияев аны акыркы сапарга узатуу зыйнатын уюштуруу боюнча мамлекеттик комиссияны жетектеген.

XS
SM
MD
LG