Озарбайжон ҳукумати 26 сентябрда референдум ўтказиб, унга қуйидаги масалаларни қўймоқчи: президентликка номзодлар учун ёш чекловини бекор қилиш, президентлик муддатини 5 йилдан 7 йилга чўзиш, 18 ёшга тўлганлар учун парламентга сайланиш имконини бериш.
Намойиш иштирокчилари референдумни бекор қилиб, реформалар ўтказиш ва сиёсий маҳбусларни озод қилишни талаб қилишган.
«Озарбайжон халқ фронти» партияси раҳбари Али Керимлининг намойишда айтишича, бу ерга келганлар референдумга қарши бойкот эълон қилиш учун тўпланишган. «Бу кимга зарур? Биз Конституцияни бир одам - Илхом Алиев - учун учинчи марта ўзгартиришимиз керак эмас. 2002 йилда бош қомус у ҳукумат аъзоси бўлиши учун ўзгартирилди, 2007 йилда эса у қайта сайланиши учун, бу сафар Алиев ҳокимиятини янада мустаҳкамлаш учун», - деди у.
Журналист Хадича Исмайлованинг айтишича ҳам, референдум натижасида давлат раҳбари ваколатини оиланинг бир вакилидан иккинчисига бериш имконияти пайдо бўлади.