«Боинг» самолёти 11 сентябр эрта тонгда Красноярскдан Душанбега учиб чиқиши лозим эди. Бироқ йўловчилар самолет салонига ўтиришларидан олдин унга учиб кетиш ман этилди. «Кейин бизга Тожикистондан бизни олиб кетгани бошқа самолёт учиб келиши керак, деб хабар қилишди. Биринчи самолёт эса носоз бўлиб, уни таъмирлашга икки-уч кун вақт кетар экан», - деб хабар қилади йўловчилардан бири.
«Эрталаб соат 4 дан биз аэропортдамиз, соат 8 да бизни бир марта овқатлантиришди, кейин эса унутиб қўйишди. Кун чошгоҳга келганда, биз аэропорт раҳбариятига биз тўғримизда ҳеч ким қайғурмаяпти деб шикоят қилдик. Бизнинг орамизда қари хотинлар ва эмизикли аёллар бор. Аэропорт ходимлари «Сомон Эйр» авиакомпанияси биз тўғримизда қайғуриши керак деб жавоб қилишди», - деб айтди уларнинг биттаси.
Бу сўнгги ҳафтадаги тожик авиакомпанияларининг самолётлари билан содир бўлаётган техник носозликларнинг иккинчисидир. Аввал, 6 сентябрда «Таджик Эйр» авиакомпанияси самолёти Душанбе йўналишидаги парвозининг ярим соати ўтганидан кейин учиб кетиш аэропорти бўлмиш Бишкекка қайтиб келишга мажбур бўлган эди.Фақат 8 сентябрдагина самолёт йўловчиларни “Манас” аэропортидан Душанбегача етказди.
«Сомон Эйр» ва «Таджик Эйр» - Тожикистоннинг иккита йирик авиакомпаниялари бўлиб, уларда Американинг Boeing ва Россиянинг ТУ самолётлари бор.