Ссылки доступа

Сурияда сулҳ расман кучга кирди


12 сентябрдан бошлаб Сурияда Россия ва АҚШ воситачилиги ёрдамида эришилган сулҳ расман кучга кирди.

Янги келишув – жорий йилдаги Вашингтон ва Москванинг беш йил давом этаётган фуқаролик урушини тугатиш борасидаги иккинчи уринишидир. Агар ўт очишни тўхтатиш режими бир ҳафта давом этса, Россия ва АҚШ экстремистик гуруҳларга қарши мувофиқлаштирилган ҳарбий-ҳаво операцияларини бошлайдилар.

Сурия қўмондонлиги хабар қилишича,«тинчлик режими» бутун мамлакат ҳудудига алоқадордир, бироқ ҳарбийлар сулҳнинг ҳар қандай бузилишига қарши жавоб бериш ҳуқуқини сақлаб қолганлар. Президент Башар Асад режимига қарши чиқаётган исёнчи гуруҳлар келишувга риоя қилишга ваъда беришган.

БМТ маълумотларига кўра, бу уруш натижасида камида 250 минг одам ҳалок бўлган, 11 миллиондан ортиғи қочоққа айланган.

XS
SM
MD
LG