Ички ишлар вазирлиги ахборотига кўра, жиноятчилар ичида 48 минг доллар бўлган металл сейфни уй эгасига тегишли бўлган автомобилга ортишган ва Бохтар туманининг Қизилюлдуз деган жойигача етиб олишган. У ерда улар бошқа машинага кўчиб ўтиришган ва ана шу жиноий гуруҳнинг аъзоларидан бирининг уйига олиб бориб қўйишган. Сейфни бузиб, улар ўғирланган суммага эгалик қилишган ва бир-бири ўртасида бўлишиб олишган.
Тожикистон ИИВ хабар қилишича, гумондорнинг уйини тинтиш вақтида сейфнинг ўзини ва пулларнинг бир қисмини топиб олишган. Милиция жиноятчилар аввал амалдорнинг хотини ва болаларини уриб калтаклашган, сўнгра йирик пул миқдорини ўмаришган, деб айтмоқда. Маҳкама маълумотларига кўра, Бахтовар Зухуров, Қурбон Зухуровнинг 17 ёшли ўғли ҳам яраланган ва касалхонага тушган. Бу ҳужум 7 дан 8-сентябрга ўтар кечаси содир бўлган.
Хабар қилинишича, божхоначи оғир аҳволда касалхонага етказилган, бироқ ҳозирги вақтда унинг ҳолати барқарорлашган. Қурбон Зухуров бир йилдан ортиқ Хатлон вилояти божхона бошқармасининг аудит бўлими бошлиғи лавозимида ишлаб келмоқда.
Жиноятни содир этишда гумон қилиниб бешта одам ушланган ва ҳозирги вақтда кўрсатма бермоқда. Бироқ ҳозиргача ўғирланган 48 минг доллар Қурбон Зухуровнинг шахсий мулки бўлганми ёки ўзининг уйида сақлаб юрган ҳамда унинг маҳкамасига тегишли бўлган пуллар бўлганми, деган масала очиқлигича қолмоқда.