Аны менен Ирак жарандарын химиялык чабуул коркунучунан кыйла куткарды. Ирактагы АКШнын аба күчтөрүнүн башчысы генерал-лейтенант Жефри Хариган ал имараттар комплексин экстремисттер штаб-квартира катары пайдаланып, аны менен кошо химиялык курал өндүрүп келгенин, анын ичинде хлор жана иприт жасоо мүмкүнчүлүгүн 13-сентябрда билдирди.
Бириккен Улуттар уюму “Ислам мамлекети” аталган экстремисттик уюм жакында эле Сирияда ууландыруучу газ колдонгонун билдирген. Харигандын айтымында, 12-сентябрда урулган сокку жакшы пландаштырылып, ага 12 учак катышты жана 50дөн ашык объект бутага алынды.
