«Бейбіт миссия-2016» деп аталатын оқу-жаттығу бүгін, 15 қыркүйекте басталды, 21 қыркүйекке дейін жалғасады. Оған Қытай, Қазақстан, Тәжікстан, Ресей және Қырғызстан елдері қатысып жатыр.
Жаттығудың тақырыбы - «ШЫҰ-ға мүше елдердің қорғаныс күштерімен бірлесіп антитеррорлық операция өткізу және дайындалу».
Жаттығу барысында әскери контингенттер бірлесіп антитеррорлық операция өткізуге дайындық мәселелерін талқылайды. ШЫҰ-ның терроризм, экстремизм және сепаратизмге қарсы күресте әскерлері мен техникалық жабдықтарын күшейтуді көздейді. Сонымен бірге таулы аймақтарда содырлармен күрес тәжірибесін жетілдірмекші.