Ссылки доступа

Штайнмайер: Украинадаги сулх сақланиб қолмоқда


Германия ташқи ишлар вазири Франк-Вальтер Штайнмайернинг таъкидлашича, Украина шарқида эълон қилинган янги ўт очишни тўхтатиш режими афтидан сақланиб қолмоқда.

«Бу тўғрисида гапириш ҳали эрта, бироқ мени ўтган кеча сулҳ сақланиб қолинганлиги тўғрисидаги ЕХҲТ кузатувчиларининг хабарлари руҳлантирди», - деди вазир Украинанинг шарқий қисмида жойлашган Краматорск шаҳрига ташриф буюрган вақтида. «Бу томонлар сиёсий ирода мавжуд бўлганда вазиятни назорат қила олишларидан далолат беради»,- деб қўшиб қўйди у.

Украина мудофаа вазирлиги вакили Александр Мотузанюк хабар қилдики, ярим кечадан сепаратистлар олти марта сулҳ шартларини бузишган. Исёнчилар вакиллари таъкидлашича эса кўнгиллилар отишмага учраган. 14 сентябрда Донецк ва Луганск вилоятларидаги сепаратистлар раҳбарлари бир томонлама ўт очишни тўхтатишлари тўғрисида хабар қилишган эди.

Бундан аввал томонлар 1 сентябрдаги ўқув йили бошланишигача зўравонликни тўхтатиш борасида келишиб олишган эди,бироқ бу сулҳ амалга ошмади. 2014 апрелидан бошлаб бу можарода 9 600 дан зиёд аҳоли нобуд бўлган.

XS
SM
MD
LG