Ссылки доступа

Олмотада ипотека банки кредиторларининг намойиши бўляпти


Олмотада ипотека банки кредиторларидан бир гуруҳи банк билан тузилган битим шартларини қайта кўриб чиқишни талаб қилишмоқда. Ўнлаб одамлар иштирок этаётган бу намойиш Казыбек-би ва Панфилов кўчалари кесишган жойда, АТФБанки ёнида ўтмоқда.

Тўпланганлар тўлов миқдорини бир фоизгача камайтириб, уларга беш йиллик «альтернатив» тўлов графиги берилишини талаб қилишмоқда.

"Ахолини яшаш жой билан таъминланг" ижтимоий бирлашмасининг фаоли Сулубике Жаксылыкованинг айтишича, бугун АТФБанк вакиллари билан ўтказилган учрашувда бирлашманинг 13 аъзоси - АТФБанки кредиторлари ва яна бир қанча муаммоли кредиторлар иши юзасидан дастлабки келишувга эришилди. Намойишда бошқа банклар кредиторлари ҳам қатнашяпти.

Намойиш иштирокчилари Гогол ва Желтоксан кўчалари кесишган ердаги «БТА-Ипотека» компанияси ваколатхонаси жойлашган бино олдигача юриш қилишмоқчи.

Ипотекани қайта молиялаштириш дастури доирасида давлат томонидан 130 миллиард тенге ажратилган. Қозоғистон миллий банки шу йил апрель ойида кредитга олинган яшаш жойларини қайта молиялаштириш дастури доирасидаги маблағларни ўзлаштириш муддатини шу йил 1 декабригача чўзган эди.

XS
SM
MD
LG