Хабарга кўра, чегарадан ўтувчилар учун қулай шароит яратиш мақсадида «Токмок», «Кенбулун», «Актилек» ва «Чалдыбар» ўтиш пунктларида қурилиш ишлари олиб борилади.
«Токмок» ўтиш пункти 25 сентябр 2016 йилдан ёпилади. У ердаги таъмирлаш ишлари тугаганидан кейин «Кенбулун» ёпилади ва шу тартибда давом этади. Қирғиз-Қозоқ чегарасида ҳаммаси бўлиб 12та назорат-ўтиш пунктлари бор.
Хабарларга кўра, ҳар йили баъзи назорат-ўтиш пунктларида навбатда турувчилар сони кўпайиб кетади, ёзнинг иссиқ кунларида одамлар чегарадан ўтиш учун тор хоналарда соатлаб кутишга мажбур бўлишади.
Иккала мамлакатнинг тегишли хизматлари қатор чоралар кўрганларидан сўнг, Қирғиз-Қозоқ чегарасининг назорат-ўтиш пунктларидаги вазият анча яхшиланади.