Кремлнинг матбуот котиби Дмитрий Песковга кўра, Путин Нарышкинга бу лавозимни хизматнинг амалдаги раҳбари Михаил Фрадков иштирок этган учрашувда таклиф қилди ва унинг розилигини олди.
«Биз ҳозир қандай вазиятда эканлигимизни, ушбу хизматдаги маваффақиятлар мамлакатимизнинг барқарор ва ишончли ривожлиниши учун нақадар муҳим эканлигини сиз жуда яхши биласиз», - деди Путин учрашувда. Унга кўра, ушбу хизмат «Россияга нисбатан таҳдидларни олдини олишда, уларнинг кучайиб кетишига йўл қўймасликда, аксинча уларнинг пайдо бўлишига йўл қўймасликда ва уларни энди юзага келиш босқичида йўқ қилишда жуда муҳим».
61-ёшли Нарышкин – Путиннинг эски сафдошларидан, ва у ҳам асли Санкт-Петербурглик. ОАВ хабарларига кўра, депутат бўлишидан аввал у хорижда КГБ ходими бўлган.
1980-йилларда Нарышкин СССРнинг Брюсселдаги элчихонасида ишлаган. Фрадков, Россия собиқ бош вазири, Ташқи Разведка Хизматини 2007 йилдан буён бошқариб келади. Хабарларга кўра, у “Россия темир йўллари” директорлар кенгаши раиси лавозимини эгаллайди.