ИМ тобунун интернетке чыгарган билдирүүсүндө, топтошуп турган полициячылардын жанына барып жардырууну ишке ашырган төрт жанкечтинин үчөө ирактык, төртүнчүсү тажик болгону айтылат.
Топтун маалыматы боюнча жарылуучу затты Абумухаммад Точики аттуу тажик ишке ашырган. Андан соң жанкечтилердин бири жарылуучу зат салынган унааны бекетке багыттап, берки экөөсү Тикриттеги аскерий базанын жанында топтошуп турган полициячылардын жанына барып өздөрүн жардырып жиберишкен.
Тикрит полициясы бекетке кол салуу болгонун жана кызматкерлерин жоготконун ырастады, бирок жанкечтилердин тек-жай тууралуу эч нерсе билдирген жок. Адатта Ислам мамлекети тарапта согушуп жаткан тажик согушкерлер өздөрүнө арабдардын аттарын коюп алышат – буга чейин Абу Мухаммад Ат-Точики деген ысымды алып жүргөн согушкердин өлтүрүлгөндүгү да кабарланган болчу.
Тажик бийлиги ушу тапта миңден ашуун жараны ИМ жана башка террордук топторго кошулуп кеткенин билдирүүдө. Алардын 300ү өлгөнү да маалымдалып келет.
