Ссылки доступа

Өзбек дарбазачысы киргизген голдун видеосун 3 күн ичинде үч миллиондон ашык киши көрдү (видео)


Интернетте өзбек дарбазачысынын корей курамасынын дарбазасына киргизген голу популярдуу болууда. Ал учур тартылган видео YouTube видеохостингине жарыяланып, үч күндүн ичинде аны үч миллиондон ашык киши көрдү.

СА-News агенттиги маалымдагандай, окуя 23-сентябрда, өспүрүмдөр арасындагы Азия чемпиондугу алкагында өтүп жаткан Өзбекстан жана Түндүк Корея курамаларынын ортосундагы беттеш маалында болгон. Өзбек дарбазачысы Жасурбек Умрзаков беттештин 49-мүнөтүндө өз айып аянтчасында туруп топту атаандашынын дарбазасын көздөй узаткан. Корей голкипери топту башы менен сүзүп алыстатуу үчүн өз дарбазасынан 25 метрдей алдыга чыккан. Бирок топту токтото албай өткөрүп жиберип, артынан чуркаган кезде тайып жыгылган. Ал турганча топ дарбаза торуна кирип кеткен.

Видео 23-сентябрда жарыяланып, андан бери аны үч миллиондон ашык киши көрүүгө жетишти.

Өзбек командасынын дарбазачысы Жасурбек Умрзаков өз талаа бөлүгүнөн узаткан соккусу менен топту атаандаш дарбазасына киргизген.

XS
SM
MD
LG