Нархи нафт дар пешорӯи мулоқоти созмони кишварҳои истихроҷкунандаи нафт (ОПЕК) дар Алҷазоир, ки қарор аст, рӯзҳои наздик дар доираи Форуми байналмилалии энергетикӣ баргузор шавад, каме боло рафтааст. Тавре AFP иттилоъ додааст, як баррел нафти Brent 60 сент қиммат ва ба 46,5 доллар баробар шудааст.
Нархи нафт ба иллати истихроҷи аз ҳад зиёд нисбат ба соли 2014 беш аз ду баробар поин рафтааст. Ин тағйирот кишварҳои узви ОПЕК ва ҳатто Русияро, ки шомили ин созмон нест, маҷбур кардааст, то даст ба кор шаванд, менависад Deutsche Welle.