Ссылки доступа

Ўзбекистонда ғўзапоядан қурилиш материали ишлаб чиқаришади


Ўзбекистонда ўтган ҳафтада имзоланган ҳукумат қарори билан ғўзапоядан тайёрланган ёғочли-пайрахали плиталар (ДСП) ни тайёрлаш бўйича замонавий ишлаб чиқариш ташкил этилади, деб хабар қилади маҳаллий ОАВ.

Бунинг учун зарур бўлган муҳандислик-коммуникацион, транспорт инфратузилмасига эга бўлган ва замонавий, юқори технологияли ускуналар билан жиҳозланган амалдаги корхоналар базасида инвестицион лойиҳаларнинг амалга оширилиши тасдиқланган.

«Узқурилишматериаллари» ташкилотига ғўзапоядан ДСП ни ишлаб чиқаришни ташкил этиш учун технологик линиялар, ускуналар ва маҳсулотларни комплектлаш бўйича етказиб берувчиларни сифатли равишда танлаб олинишини таъминлаш топширилган.

Ҳужжатга биноан, ДСП ни ишлаб чиқариш бўйича технологик линияларни сотиб олиш ва етказиб бериш контрактларини молиялаштириш борасидаги лойиҳалар ташаббускорларига кредит линиялар ҳисобига хорижий валютада кредитлар ажратиладиган бўлди.

XS
SM
MD
LG