Атамбоев аввал унда юрак хасталигини текширган ва даволаган МКШ мутахассислари кузатуви остида бўлиб турибди. Аритмияни даволаш жараёнида РТФА академики, профессор Ревишвили А.Ш. жалб этилган эди. Ҳозирги вақтга келиб юрак аритмияси билан боғлиқ бўлган муаммолар тўлалигича бартараф этилган.
Таъкидланишича, 2008 йилдаги заҳарланишдан сўнг президентга Туркияда овқат ҳазм йўлининг операцияси ўтказилган эди. Айни пайтда МКШ врачлари томонидан текширув вақтида профилактик мақсадда овқат ҳазм йўлининг эндоскопик аргон-плазмали абляцияси амалга оширилган.
Эслатиб ўтамиз, 2016 йил 19 сентябрда Алмазбек Атамбоев қирғиз делегацияси БМТ Бош Ассамблеясининг сессиясида иштирок этиш учун Нью-Йоркка учиб бориш йўлида Истамбулдаги Отатурк номидаги аэропортда ўзини ёмон ҳис қилган эди.
Тиббиёт текшируви кўкрагидаги оғриқларга шикоят қилаётган президентда юрак билан боғлиқ муаммолар борлигини кўрсатган ва шу боис унга тезлик билан тиббиёт кўригидан ўтиш тайинланган эди.