Ссылки доступа

Туркияда 87 та разведка ходимлари ишдан бўшатилди


АҚШда яшайдиган ва Анқара томонидан 15 июлда бўлиб ўтган давлат тўнтаришига уринишни ташкил этишда айбланаётган диний арбоб Фатҳуллоҳ Гулан билан алоқалар борлигида гумон қилинаётган 87 та миллий разведка ходимлари Туркияда ишдан бўшатилди.

Расмий ОАВ лар хабар қилишича, миллий ташкилотнинг 52 та ишдан бўшатилган ходимига нисбатан жиноий иш қўзғатилган. Жами ана шу ташкилотнинг 141 та ходими ўз лавозимидан четлатилган. Юзлаб ходимларга нисбатан тергов якунланиб бўлган.

Бу Туркиядаги энг обрўли ҳокимият институтларидаги биринчи “тозалаш”дир. Муваффақиятсизликка учраган исёндан кейин Анқара қарорига кўра юз мингдан ортиқ полициячилар, ҳарбий хизматчилар ва давлат ходимлари ишдан бўшатилган эди.

Туркия Гуланни экстрадиция қилиш борасида АҚШ га расман мурожаат этди. Вашингтонда унинг тўнтаришга алоқадорлигини исбот қилишни талаб қилишмоқда. Гулан 1999 йилдан бери Американинг Пенсильвания штатида истиқомат қилади ва исёнга бирор бир алоқаси борлигини инкор қилмоқда.

XS
SM
MD
LG