Ссылки доступа

Украиналик журналист Москвада жосусликда айбланиб қўлга олинди


"Укринформ" агентлиги журналисти Роман Сущенко жосусликда айбланиб қўлга олинган ва "Лефортово" тергов изоляторида ушлаб турилипти. Бу ҳақда "Открытая Россия" Москванинг жамоат кузатув қўмитаси аъзоси ва ҳуқуқ фаоли Зоя Световага асосланиб хабар берган.

"Укринформ"нинг Париждаги 47-ёшли мухбири, Украина фуқароси Роман Сущенконинг ҳуқуқ фаолларига айтишича, у Москвада 30 сентябр, жума куни қўлга олинган. Унга рухий тазйиқ ўтказилган ва хотинига телефон қилишга рухсат беришмаган. Журналистга нисбатан "жосуслик" моддаси қўйиляпти ва у 10 йилдан 20 йилгача қамалиши мумкин. У ўзининг қўлга олиниши билан боғлиқ бошқа тафсилотлар ҳақида гапирмаган. Украинанинг Москвадаги консули Сущенконинг ҳибсга олинганини тасдиқлаган.

"Укринформ" миллий ахборот агентлиги Роман Сущенконинг Москвада қўлга олинишини режалаштирилган фитна деб баҳолаган. "Кўп йиллик нуқсонсиз профессионал фаолияти билан ном чиқарган, ЕИнинг энг обрўли давлатларидан бирида аккредитация қилинган, "норманд формати" аъзлларидин бири бўлган журналистга нисбатан қўйилган "жосуслик" айблови Россиянинг Украина фуқароларига нисбатан навбатдаги қўпол ва ноқонуний харакати, деб баҳоланиши мумкин", - дейилади агентликнинг баёнотида.

"Укринформ" агентлиги ва журналистнинг хотини Россиялик адвокат Марк Фейгин билан Романни ҳимоя қилиш борасида шартнома тузишди, ва у Москвадаги "Лефортово" тергов изоляторига Роман билан учрашиш учун етиб келган.

Украина ТИВ журналист Роман Сущенконинг Москвада ушланиб ҳибсга олиниши билан боғлиқ маълумотни ўрганяпти. "Укринформ" журналистлар ҳамжамияти, халқаро ташкилотлар, Украина ва бошқа хорижий давлатларнинг дипломатик ваколатхоналарига мурожаат қилиб Роман Сущенкони озод қилишда ёрдам беришларини сўраган.

XS
SM
MD
LG