Ссылки доступа

Тожикистонда парламент депутатлири қасамёд билан иш бошлашди


Тожикистон парламентининг 63 депутати бугун қонунларни ишлаб чиқиш ва қабул қилишда барча шахсий манфаатларни четга суриб, халқ манфаати йўлида сидқи-дилдан ишлашга қасамёд қилувчи матнни ўқиш билан иш бошлашган.

Парламентнинг қуйи палатаси раиси бу қасамёдни ўқиган биринчи депутат бўлган. Депутатларнинг қасамёд қабул қилиш маросими қуйи палатанинг Душанбедага учинчи йиғилишининг биринчи кунида бўлиб ўтган.

Ҳар бир депутат аввало миллат ва давлат манфаатларини инобатга олишга, Тожикистоннинг Конституцияси ва қонунлари асосида иш олиб боришга, бор куч, билим ва тажрибаларини мамлакатнинг сиёсий ва иқтисодий ривожланишига сарфлашга қасамёд қилишган. Бундан ташқари, улар давлатнинг миллий бирдамлиги ва давлат мустақиллигини таъминлаш, фуқароларнинг ҳуқуқ ва эркинликларини кафолатлаш борасида ҳам барча чораларни қўллаб, қонунларни ишлаб чиқиш ва қабул қилишда фаол иштирок этишади.

Қуйи палата депутатларининг қасамёд қабул қилиши биринчи марта бўлиб, баъзиларга кўра, бу амалиёт уларнинг масъулиятини оширади. Қуйи палата депутати Қиёмиддин Миралиёнга, кўра барча мусулмонлар қасамёднинг аҳамиятини тушунишади..

Депутатларнинг Тожикистон халқи олдида қасамёд қилиши янги Конституцияда белгилаб қўйилган. Бу ўзгартиришларга мувофиқ, Тожикистон ҳукумати аъзолари мамлакат президенти номига қасамёд қилишади.

XS
SM
MD
LG